Margarita Solovyova
| Margarita Solovyova | |
|---|---|
| Tavalludi |
1909-yil 3-oktyabr |
| Vafoti |
1995-yil 13-iyun |
| Fuqaroligi |
 SSSR → Rossiya |
| Sohasi | iqtisodiy geografiya |
| Taʼlimi | Moskva davlat universiteti |
Margarita Grigoryevna Solovyova (1909-1995) – iqtisodiy geografiya sohasidagi sovet olimi va geografiya fanlari nomzodi (1940). V. I. Lenin nomidagi Moskva davlat pedagogika instituti geografiya fakulteti dekani. SSSR Davlat mukofoti laureati (1977).
Hayoti
[tahrir | manbasini tahrirlash]Margarita Solovyova 1909-yil 3-oktyabrda Toshkentda tugʻilgan.
1926—1931-yillarda Moskva davlat universitetining fizika-matematika fakultetining geografik fakultetida oʻqigan. 1934—1937-yillarda Moskva davlat universiteti Geografiya ilmiy-tadqiqot instituti aspiranturasida tahsil oladi.
1932—1941-yillarda Qizil professorlar institutida ilmiy-pedagogik ishda jahon iqtisodiyoti va jahon siyosati kafedrasi mudiri va assistenti lavozimlarida ishlagan. 1941—1950-yillarda Moskva shahar pedagogika institutida oʻqituvchi, dotsent[1][2].
Ilmiy faoliyati
[tahrir | manbasini tahrirlash]M. G. Solovyovaning asosiy ilmiy-pedagogik faoliyati geografiyani oʻqitish nazariyasi va metodikasi, xorijiy mamlakatlar ijtimoiy geografiyasi, dinlar geografiyasi, Hindiston aholisi geografiyasi va AQSH iqtisodiy geografiyasi sohasidagi masalalar bilan bogʻliq boʻlgan.
U 1940-yilda geografiya fanlari nomzodi ilmiy darajasini olish uchun nomzodlik dissertatsiyasini himoya qiladi. 1960-yilda SSSR Oliy attestatsiya komissiyasi unga dotsent ilmiy unvonini bergan. M. G. Solovyova ikki yuzdan ortiq ilmiy ishlar, shu jumladan oʻrta maktab uchun xorijiy mamlakatlarning iqtisodiy geografiyasi darsliklari muallifi. 1977-yilda „Xorijiy mamlakatlarning iqtisodiy geografiyasi“, 9-sinf darsligi uchun (1975, 2-nashr) Fan va texnika sohasida SSSR Davlat mukofoti bilan taqdirlangan[1].
Mukofotlari
[tahrir | manbasini tahrirlash]„1941-1945-yillardagi Ulugʻ Vatan urushidagi jasoratli mehnati uchun“ medali;
„Mehnat faxriysi“ medali[1];
SSSR Davlat mukofoti (1977- ildan „Xorijiy mamlakatlarning iqtisodiy geografiyasi“ 9-sinf darsligi uchun (1975, 2-nashr[3]);
K. D. Ushinskiy medali[1].
Manbalar
[tahrir | manbasini tahrirlash]- ↑ 1,0 1,1 1,2 1,3 Svetloy pamyati Margariti Grigorevni Solovyovoy (1909—1995) // Московский педагогический государственный университет
- ↑ Краткая географическая энциклопедия / gl. red. A. A. Grigorev. – Moskva : Sovetskaya ensiklopediya, 1960-1966, T. 5: Yudoma – Yaya. Dopolneniya. – 1966. – 544 s
- ↑ Postanovlenie ЦК КПСС i СМ СССР „O prisujdenii Gosudarstvennix premiy SSSR v oblasti nauki i texniki“. Gazeta „Правда“, 1977-yil 7-noyabr
Adabiyotlar
[tahrir | manbasini tahrirlash]- Qisqacha geografik ensiklopediya / ch. ed. A. A. Grigoryev. – Moskva : Sovet Entsiklopediyasi, 1960-1966, T. 5: Yudoma – Yaya. Qoʻshimchalar. – 1966-yil. – 544 b.