Manshuk Mametova

Manshuk Mametova
Asl ismi	qozoqcha: Мәншүк Мәметова
Taxallus(lar)i	Monshagʻim
Tavalludi	1922-yil 18-noyabr Jiekqum qishlogʻi, Qirgʻiziston ASSR, RSFSR; zamonaviy Qozogʻiston, Ural gubernatorligi, Bukeyorda tumani
Vafoti	1943-yil 16-oktabr Nevel, Kalinin viloyati, RSFSR, SSSR
Fuqaroligi	SSSR
Qoʻshin turlari	miltiqchilar (piyodalar)
Xizmatdagi yillari	1942-1943
Unvoni	Katta serjant
Harbiy  qism	100-piyodalar brigadasi
Qoʻmondonlik qilgan	Pulemyotchi
Jang/urush	Ulugʻ Vatan urushi
Mukofotlari	Sovet Ittifoqi Qahramoni
Bilimi	S.J.Asfendiyarov nomidagi Qozoq milliy tibbiyot universiteti
Otasi	Jiyengʻali Mametov
Onasi	Amina Mametova

Manshuk Jiengaliovna Mametova (haqiqiy ismi Mansiya) — (1922-yil, Ural viloyati, Bokey oʻrdasi tumani — 1943-yil 16-oktabr) — qozoq xalqining qahramon qizi, Sovet Ittifoqi Qahramoni (1944).

Bolalik chogʻi

• Uning haqiqiy ismi Mansiya. Onasi uni erkalab Moʻnchogʻim deb atagani uchun, Mansiyaning unga tili kelmay oʻzini Manshuk deb atagan. Bayuli qabilasi Sherkesh urugʻidan kelib chiqqan.

Manshukning otasi — Jiengali Mametov. Ammo Jiengalining ukasi Axmet Mametovning farzandi yoʻqligi sababli, 1925-yilda Manshuk uning qaramogʻiga oʻtgan.

• Ahmet Saratovda o‘qiyotganligi uchun Manshukni o‘zi bilan olib boradi. Tez orada notinch davr boshlanadi va Ahmet bir necha yil davomida akasi bilan muloqot qila olmaydi. Keyin 1931-yilda Olmaotaga kelgandan soʻng, yil oxirida akasi Jiengali ochlikdan vafot etganini eshitadi. Ahmet Mametov Qozogʻistondan chiqqan ilik shifokorlardan biri boʻlib, u Alashordashi, Beimbet Mailin, Qudaybergen Jubanovlar bilan yaqin aloqada boʻlgan. Shuning uchun 1938-yil yanvar oyida himisga olingan.
• Ahmetning rafiqasi Amina Mametova — Abulxayrxon avlodidan. Bobosi mulla, otasi el-yurt hurmatini qozongan odam boʻlgan, oʻzi podsho davrida ayollar gimnaziyasida o‘qigan, Saratovda aspiranturani tamomlagan, yurtga kelgandan keyin adabiyot o‘qituvchisi bo‘lgan, oʻsha davr gazetalari uchun tanqidiy maqolalar yozgan.

Biografiyasi

• Buyuk jahon urushi boshlanganda Manshuk Olmaota tibbiyot institutida oʻqiyotgan edi.
• 1942-yil Avgust oyida u ixtiyoriy ravishda Qizil armiya safiga qoʻshildi va 21-pulemyotchilar diviziyasi tarkibida jangda qatnashdi.
• Katta serjant, pulemyotchi Manshuk o‘z guruhida janglarda o‘zining merganligi va jasorati bilan ajralib turdi. Nevel shahri uchun boʻlgan hal qiluvchi jangda Manshuk soʻnggi nafasi qolguncha pulemyotdan oʻq yogʻdirib, qahramonlarcha halok boʻldi.

Xotirasi

• Pavlodar viloyati kolxozchilari Qahramon qiz sharafiga Manshuk nomidagi tank kolonnasini qurish uchun mablag‘ yig‘ishdi.
• Tug‘ilgan joyida unga haykal o‘rnatilgan.
• Nevel, Olmaota, Ural va boshqa shaharlarda Manshuk nomidagi koʻchalar bor.
• Respublikadagi oʻnlab maktablar, Qiziloʻrda qizlar pedagogika bilim yurti Manshuk nomi bilan atalgan.
• Qahramon qizning hayoti va oʻchmas jasorati haqida „Manshuk haqida qoʻshiq“ (muallif — A. Mixalkov-Konchalovskiy, rejissyori M. Begalin) badiiy filmi suratga olindi.

• 
  Qozogʻiston pochta markasi.
• 
  Qozogʻiston pochta markasi.

Havolalar

• Manshuk Jiengalievna Mametova. Sayt „Geroi strani“.
• Dom-muzey Geroya Sovetskogo Soyuza Manshuk Mametovoy.  (nedostupnaya ssilka s 25-05-2013 [3602 dnya] — istoriya, kopiya) (g. Uralsk).
• Razgovor s Manshuk.
• Klassniy chas o Manshuk Mametovoy.