Malika Qayumova

Malika Qayumova
Tavalludi	1-fevral 1954-yil Toshkent viloyati, Oʻzbekiston SSR
Vafoti	13-iyun 2024-yil Toshkent viloyati, Oʻzbekiston
Fuqaroligi	SSSR → Oʻzbekiston
Kasbi	Aktrisa
Mukofotlari

Malika Qayumova (1-fevral 1954-yil, Toshkent viloyati, Oʻzbekiston SSR – 13-iyun 2024-yil, Toshkent viloyati, Oʻzbekiston) – aktrisa. „Oʻzbekiston xalq artisti“ faxriy unvoni sohibasi (2011-yil).

Hayoti

Malika Qayumova 1954-yil 1-fevralda Toshkent viloyatida tavallud topgan. 1976-yili Toshkent teatr va rassomlik sanʼati institutini tamomlagan. Institutni tamomlagach, oʻzbek drama teatrida oʻz faoliyatini boshlagan. 1993-yildan Muqimiy nomidagi musiqali teatrda faoliyat koʻrsatib kelgan. 2011-yili „Oʻzbekiston xalq artisti“ faxriy unvoni bilan taqdirlangan. Malika Qayumova 2024-yil 13-iyun kuni 70 yoshida vafot etgan.

Rollari

Malika Qayumova oʻzining ijodiy faoliyati davrida teatrda sahnalashtirilgan 30 dan ziyod spektakllarda bosh rollarni hamda xarakterli obrazlarni gavdalantirgan. „Taqdir“da amma, „Devona“da ona, „Alpomish“da Kuntugʻmish, „Fotima va Zuhra“da ona, „Pari qishloq“da ona, „Xonuma“da Tekle, „Oʻlding, aziz boʻlding“da ona, „Toshkentning nozanin malikasi“da Xayri, „Oy onam-qaynonam“da Qumri, „Superqaynona-2“da Hojar, „Qizi borning-nozi bor“da quda singari obrazlarni yaratgan.

Mukofotlari

• „Oʻzbekiston xalq artisti“ faxriy unvoni (2011-yil).