Uels malikasi Diana
| Diana Spencer | |
|---|---|
.jpg) Uels malikasi Diana 1997-yilda | |
| Tavalludi |
Diana Frances Spencer 1-iyul 1961-yil |
| Vafoti |
31-avgust 1997-yil (36 yoshda) Parij, Fransiya |
| Turmush oʻrtogʻi |
Uels shahzodasi Charlz (hozirda Buyuk Britaniya va Millatlar Hamdoʻstligi qiroli) |
| Bolalari |
Shahzoda William Shahzoda Harry |
| Otasi | John Spencer |
| Onasi | Frances Shand Kydd |
| Imzosi | |
 | |
Uels malikasi Diana (Diana Frances Spencer) (1961-yil 1-iyul – 1997-yil 31-avgust) Britaniya qirollik oilasining aʼzosi. U Charlz III (oʻsha paytda Uels shahzodasi)ning birinchi xotini, shahzoda William va shahzoda Harrylarning onasi. Uning faolligi va jozibasi uni xalqaro ramzga aylantirdi va unga doimiy mashhurlikni olib keldi.
Diana Buyuk Britaniya zodagonlari oilasida tugʻilgan va qirollik oilasiga yaqin oilada oʻsgan. U oilasi bilan Sandringhamdagi Park Houseda yashagan. U 1981-yilda bolalar bogʻchasida oʻqituvchi yordamchisi boʻlib ishlaganida, Elizabethning toʻngʻich oʻgʻli Charlz bilan unashtirildi. Ularning toʻyi 1981-yil iyul oyida Avliyo Pavel soborida boʻlib oʻtdi va toʻydan soʻng Diana Uels malikasiga aylandi. Ularning nikohidan William va Harry ismli ikki oʻgʻil dunyoga keldi. Ular oʻsha paytda Britaniya taxti vorisligiga mos ravishda ikkinchi va uchinchi oʻrinda turardi. Diananing Charlz bilan nikohi ularning bir-biriga mos kelmasligi va ularda nikohdan tashqari munosabatlar borligi tufayli ogʻir kechdi. 1992-yilda ularning munosabatlari jamoatchilikka maʼlum boʻldi. Oilaviy muammolar keng ommaga eʼlon qilindi va 1996-yilda Charlz va Diana ajrashishdi.
Uels malikasi sifatida Diana qirolicha Elizabeth II nomidan qirollik vazifalarini oʻz zimmasiga oldi va Millatlar Hamdoʻstligi davlatlari boʻylab uning vakili boʻldi. U ommaviy axborot vositalarida go‘zalligi, uslubi, jozibasi, keyinchalik xayriya ishlariga noan’anaviy yondashuvi bilan mashhur bo‘lgan. Uning homiylik faoliyati dastlab bolalar va keksalarga qaratilgan boʻlsa-da, keyinchalik u ikki muhim yo'nalishda faol ishtirok etishi bilan tanildi: biri OITS bilan kasallangan bemorlarga nisbatan ijtimoiy munosabatlar va ularning jamiyatda qabul qilinishiga, ikkinchisi esa Xalqaro Qizil Xoch orqali targʻib qilingan yerosti minalarini bartaraf etishga bagʻishlangan edi. Shuningdek, u onkologik va ruhiy kasalliklarga chalingan insonlarga yordam berishni ham targʻib qildi. Diana dastlab uyatchanligi bilan ajralib turdi, ammo uning xushmuomalaligi va doʻstonaligi jamoatchilikka yoqdi va uning obroʻsi nikohning jamoatchilik oldida barbod boʻlishidan omon qolishiga yordam berdi. U fotobop deb hisoblanib, 1980-1990-yillarning moda namunasi sifatida eʼtirof etildi.
Diana 1997-yil avgust oyida Parijda avtohalokatda vafot etdi.