Liazalar

Liazalar (yun. Na — tarqatish, ajratish) — qoʻshbogʻ hosil qilish orqali muayyan guruxlarning substratdan no-gidrolitik ajraladigan reaksiyalarni yoki, aksincha, qoʻshbogʻning uzilgan joyiga guruxlarni qoʻshuvchi reaksiyalarni katalizlaydigan fermentlar. Hayvonlar va oʻsimliklarning turli xil toʻqimalari va mikroorganizmlarda boʻladi. Hujayradagi moddalar almashinuvida muhim ahamiyatga ega. L. katalizlaydigan reaksiyalar natijasida SO2, NH2, H2O va boshqa oddiy moddalar ajralib chiqadi. Uziladigan bogʻlarning xususiyatlariga binoan uglerod— uglerod—liazalar (S—S—liazalar), uglerod—kislorod—liazalar (S—O—l iazalar), uglerod—azot—liazalar (S—N—liazalar) va boshqa guruxlarga boʻlinadi.