Kamera

Kamera (eski lotincha camera — xona, palata) — 1) koʻndalang kesimi kattaroq va uncha uzun boʻlmagan yer osti koni; unga shaxta uskunalari joylashtirilib, tozalash ishlari olib boriladi; 2) baʼzi mashinalar, qurilmalar va pechlarning ichki qismi (mas, yonish K.si televizion K., K. li pech); 3) baʼzi apparat va asboblar nomi (fotokamepa, kinokamera va b.); 4) maxsus maqsadda foydalaniladigan alohida xona (mas, bagaj K.si tovush K.si); 5) shina, toʻp va b. ichiga joylashtiriladigan puflama rezina qobiq; 6) kosmik nurlar va elementar zarralar tekshiriladigan hamda kuzatiladigan qurilma (Vilson kamerasi, diffuzion kamera).