Kadivar

Kadivar — Oʻrta Osiyoda ilk oʻrta asrlarda iqtisodiy jihatdan boy tabaqaga butunlay qaram boʻlgan shaxs. Zamindorlar qishloqlarda oʻz tazyiq doiralarini kengaytirib, bora-bora ziroatkor aholi ustidan hukmronlik qila boshlagan. Shuning uchun ham ular ilk oʻrta asrlarda "dehqon", yaʼni "qishloq hokimi" nomi bilan shuhrat topgan. Ularga qaram kishilar "K.", yaʼni "qishloq qoʻrgʻonlarida yashovchilar", deb atalgan. Qishloq jamoasi ichida oʻz erkidan mahrum boʻlgan K.lar paydo boʻlgan (yana q. Dehqon). Sugʻd, Xorazm va Toharistonda dehqonchilik qiluvchi mahalliy aholining kattagina qismi qaram K.larga aylangan. K.lar bu davrda Oʻrta Osiyodagi asosiy ijtimoiy tabaqa hisoblangan.