Iso Boyzoqov
Boyzoqov Iso (1900.3.10, Pavlodar viloyati Yertis tumani — 1946.3.9, Olmaota) — qozoq xalq oqini, bastakor. Toshkentdagi qozoqqirgʻiz maorif instituti (inpros)da oʻqigan (1924). Bu yerdagi havaskorlar toʻgaragida qatnashib, "Qizil bugʻdoy", "Yoshlarga" kabi ashulalar yozgan. Uning "Quralay suluv" (1925), "Choʻpon ertagi" (1926), "Oʻn bir kun va oʻn bir tun" (1938), "Oltoy etaklarida" (1939), "Kavkaz" (1941), "Oqboʻpa" (1945) kabi dostonlarida insonparvarlik, sevgiga sadoqat, mehroqibat gʻoyalari tarannum etilgan. B. haqida N. Anov "Qushiq qanoti" (1956) nomli roman yozgan.
Adabiyotlar
[tahrir | manbasini tahrirlash]- OʻzME. Birinchi jild. Toshkent, 2000-yil
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 |