Gvineya bayrogʻi

Gvineya bayrogʻi
Mamlakat	Gvineya
Mutanosibligi	2:3
Qabul qilindi	1958-yil 10-noyabr

Gvineya davlat bayrogʻi (fransuzcha: drapeau de la Guinée) 1958-yil 10-noyabrda mamlakatning birinchi Konstitutsiyasi eʼlon qilingandan keyin qabul qilingan.^[1]

Dizayn

Bayroqning ranglari mustaqillik davrida hukmron boʻlgan „Rassemblement Démocratique Africain“ harakati ranglariga moslashtirilgan. Ranglar, oʻz navbatida, 1957-yilda ularni birinchi marta qabul qilgan Gana bayrogʻidan olingan. Gvineyaning birinchi prezidenti Sekou Ture Gananing sobiq prezidenti Kvame Nkrumaning yaqin hamkori edi.

Ranglar

Gvineyaning birinchi prezidenti Sekou Turening soʻzlariga koʻra, bayroqning uchta rangi quyidagilarni ifodalaydi: qizil rang mustamlakachilikka qarshi shahidlar qoni, ishchilar sinflari mehnati va taraqqiyot istagini anglatuvchi ramz; sariq rang Gvineya oltinini, shuningdek, „barcha odamlar uchun energiya, saxiylik va tenglik manbai“ boʻlgan quyoshni anglatuvchi ramz; yashil rang esa mamlakatning oʻsimliklarini, uning tabiiy resurslaridan kelib chiqadigan davomiy farovonlikni va qishloqda yashovchi Gvineya ommasining tarixiy qiyin hayotini ifodalaydi. Oʻz navbatida, uchta rangning har biri orqasida joylashgan ramziylik milliy shiorning uchta tarkibiy qismiga mos keladi: Travail, Justice, Solidarité („Mehnat, adolat, birdamlik“).^[2]

Mintaqadagi boshqa bayroqlarga mos ravishda Pan-Afrika harakatining qizil, sariq va yashil ranglarini ishlatadi.

Dizayn uch rangli (trikolor). Bayroqning ranglari chapdan oʻngga Mali bayrogʻining teskari tomonidir. Ruandaning oldingi bayrogʻi (1961- yildan 2001-yilgacha ishlatilgan), uning dizayni Ruanda Qirolligi bayrogʻidan ilhomlantirilgan.Bayroq ham Mali bayrogʻiga juda oʻxshaydi, ranglar tartibidagi oʻzgarishlar bundan mustasno. Gvineyaning bayrogʻi bilan deyarli bir hil boʻlgan Ruanda bayrogʻi ham undan faqat katta qora R harfi bilan ajralib turadi.^[3]

(1958 — hozirgi kungacha)	Qizil	Sariq	Yashil
Pantone	186c	116c	340c
CMYK	0-0,92-0,82-0,19	0-0,17-0,91-0,01	1-0-0.35-0.42
RGB	206-17-38	252-209-22	0-148-96
Hexademical	#CE1126	#FCD116	#009460

Tarixi

Gvineya bayrogʻi birinchi marta 1958-yil 10-noyabrda qabul qilingan. Boshqa koʻplab qoʻshni davlatlar singari, mustaqillik davrida Afrikaning Demokratik Rassemblementi tomonidan qoʻllangan ranglardan foydalanilgan. Pan-Afrika ranglari sifatida tanilgan ranglar birinchi marta 1957-yilda Gana tomonidan oʻz bayrogʻida ishlatilgan. Bu bayroq 1961-yildan 2001-yilgacha ishlatilgan Ruanda bayrogʻi bilan deyarli bir xil.

Hukumat bayroqlari

Prezident Shtandarti

Tarixiy bayroqlar

Futa Jallon imomi bayrog'i (1896-yilgacha)
Fransiya protektorati bo'lganidan keyin Futa Jallon imomi bayrog'i (1896-1912)
Fransiya Gvineyasi bayrog'i (1912-1958)
Gvineya bayrogʻi (1958–1984)

Manbalar

↑ „République de Guinée: Constitution du 10 novembre 1958“ (fr). Digithèque de matériaux juridiques et politiques. 29-yanvar 2021-yilda asl nusxadan arxivlangan. Qaraldi: 5-sentabr 2021-yil.
↑ „Guinea“. www.crwflags.com. Qaraldi: 2021-yil 5-sentyabr.
↑ „Rwanda : Historical Flags“. www.crwflags.com. Qaraldi: 2021-yil 5-sentyabr.

[1] „République de Guinée: Constitution du 10 novembre 1958“ (fr). Digithèque de matériaux juridiques et politiques. 29-yanvar 2021-yilda asl nusxadan arxivlangan. Qaraldi: 5-sentabr 2021-yil.

[2] „Guinea“. www.crwflags.com. Qaraldi: 2021-yil 5-sentyabr.

[3] „Rwanda : Historical Flags“. www.crwflags.com. Qaraldi: 2021-yil 5-sentyabr.

[1]

[2]

[3]