Gulkoʻrpa

Gulkoʻrpa — soʻzana turi; matoga kashta tikib tayyorlanadigan badiiy buyum. G.ning bezak mujassamoti asosan islimiy naqshlardan iborat, markaziga yirik va burchaklariga kichik doirasimon yoki yulduzsimon gullar, hoshiyasiga mayda gul(shoxcha)lar tiqiladigan mujassamot keng tarqalgan, baʼzan mujassamotga yozuvlar (arabcha va b.) kiritiladi. G.da naqsh gulning oʻzi kashta bilan tikilib koʻp joyi (zamini) ochiq qoldiriladi. Asosan, oq yoki rangli ip gazlama, shoyi, baʼzan duxobaga ham tiqiladi. Toshkent, Shahrisabz va b. badiiy buyumlar f-kalarida ishlab chiqariladi.

Adabiyotlar

• OʻzME. Birinchi jild. Toshkent, 2000-yil