Gʻafur Ostonov
| Gʻafur Ostonov | |
|---|---|
| Tavalludi |
1905-yil |
| Vafoti |
1938-yil 14-oktyabr Toshkent |
| Fuqaroligi |
 SSSR |
| Taʼlimi | Stalin nomidagi Kommunistik universitet |
| Faoliyat yillari | 1920—1937 |
Gʻafur Ostonov (1905-yil, Samarqand – 1938-yil, Toshkent) – Izboskan tuman partiya qoʻmitasining ikkinchi kotibi. Stalin davri qatagʻoni qurboni boʻlgan.
Gʻafur Ostonov Samarqand viloyati Narpay tumani Sultonobod qishlogʻida tugʻilgan. Otasi oʻrtahol dehqon boʻlgan. 1913-yilda vafot etgan.
Gʻofur Ostonov 1913-yildan 1919-yilga qadar Eski Buxoro qozisi qoʻlida choʻpon boʻlib ishlagan. 1919-yildan boshlab ikki yil davomida eshonning xizmatchisi boʻlib ishlaydi. 1921-yildan 1923-yilgacha etikdoʻzga shogirdlikka tushadi. 1923-yilda oʻqishni davom ettirish maqsadida Eski Buxoroda joylashgan oʻqituvchilar tayyorlash universitetiga kiradi. 1924-yilda oʻqishni tamomlagandan soʻng Moskvaga ketadi. 1930-yilgacha Moskvaning Zaraysk hududidagi „Красный Восток“ fabrikasida ishlaydi. Oʻqishini ham davom ettirgan. 1930-yilda Samarqand shahrining Samarqand okrugi kolxozlar markazida instruktor vazifasida ishlaydi. 1930-yil iyunidan 1932-yil dekabrgacha Toshkent shahrida Oʻzbekiston Respublikasi maorif xalq komissarligida, 1932-yil dekabrdan 1934-yil sentyabrgacha Bagʻdod tumani partiya komitetida tashkiliy boʻlim mudiri boʻlib ishlagan[1].
1934-1935-yillarda Fargʻonadagi Gazlama tayyorlash fabrikasida partiya qoʻmitasi kotibi oʻrinbosari vazifasida faoliyat olib boradi. 1935-yilning martidan 1936-yil martigacha, bir yil davomida Moskva shahridagi „Serp va molot“ fabrikasi taʼminot agenti boʻlib ishlaydi. 1936-yilning aprel oyidan 1937-yilning may oyigacha Toshkent shahrida Stalin nomidagi gazlama fabrikasida yordamchi vazifasida ishlaydi. 1937-yilning kuzida hibsga olinadi. Hibsga olingunga qadar Poytugʻ qishlogʻida Izboskan tuman partiya qoʻmitasining ikkinchi kotibi vazifasida faoliyat yuritgan[2]. Oʻzbek tilidan tashqari, rus, tojik tillarini bilgan.
1938-yilning 14-oktyabrda SSSR Oliy Sudi Harbiy kollegiyasining sud majlisida oʻlimga hukm qilinadi. Hukm ijrosi oʻsha kuni taʼminlanib, otib tashlanadi.
Kommunistik partiyaning XX syezdidan soʻng realibitatsiya qilingan.
Manbalar
[tahrir | manbasini tahrirlash]- ↑ Rustambek Shamsutdinov. Коллективлаштириш ва “катта террор” даврида қатагон қилинган ватандошларимизнинг xoтиpa китоби. Тошкент: Янги аср авлоди, 2015 йил — 335—336-bet. ISBN 978-9943-27-589-9.
- ↑ Rustambek Shamsutdinov. Oʻzbekistonda sovetlarning qatagʻon siyosati va uning oqibatlari (1-kitob). Sharq Toshkent 2012 — 223-bet. ISBN 978-9943-00-481-8.