Fábio Coentrão

Fabio Koentrau
Shaxsiy maʼlumot
Toʻliq ismi	Fábio Alexandre Silva Coentrão
Tavallud sanasi	11-mart 1988-yil (36 yosh)
Tavallud joyi	Vila-du-Kundi, Portugaliya
Boʻyi	179 sm
Ampluasi	himoyachi; yarimhimoyachi
Klub maʼlumoti
Joriy klub	Real Madrid
Raqami	5
Yoshligida aʼzo boʻlgan klublar
2004–2005	Rio Ave
Professional faoliyati*
Yillar	Jamoa
2004-2007 ; 2007-2011 ; 2011 - h.	Rio Ave; Benfika ; Real Madrid
Milliy terma jamoa
2006– 2010 ; 2009 - hz.	Portugaliya y.t.j. ; Portugaliya
	*Professional klublardagi gollari (ichki chempionat)

Fabio Aleshandre da Silva Koentrau (portugalcha: Fábio Alexandre da Silva Coentrão; 11-mart 1988, Vila-du-Kondi, Portugaliya) — portugaliyalik futbolchi, Portugaliya terma jamoasi va Real Madrid klubi himoyachisi va yarim himoyachisi.

Jamoalardagi faoliyati

"Rio Ave"

2004/05 mavsumda Koentaru oʻzining professional faoliyatini tugʻilib oʻsgan shahridagi „Rio Ave“ jamoasida boshladi. 2005-yil 14-oktabrda 17 yosh vaqtida Portugaliya ligasida oʻz debyutini oʻtkazdi. Birinchi mavsumda jami 3 ta oʻyinda ishtirok etdi va mavsum soʻnggida Rio Ave jadvalda soʻnggi 16-nchi oʻrinni egallab ikkinchi ligaga tushib ketdi. Keyingi mavsumdan boshlab Koentrau asosiy tarkib oʻyinchisi boʻldi va 25 ta oʻyinda ishtirok etib, 4 ta gol urishga muvaffaq boʻldi. 2007-yilning fevralida Chelsi jamoasida bir haftalik malaka oshirishga bordi va natijada „Chelsi“ bosh murabbiyi Joze Mourinyo uning harakatlarini yuqori baholab, oʻyinchining keyingi faoliyatini alohida kuzatishini vaʼda berdi^[1].

"Benfika"

2007-yilda mavsum oʻrtasida "Benfika" jamoasi bilan olti yillik shartnoma imzoladi. Koentrau Chempionlar ligasining 3-nchi saralash bosqichida "Kopengagen" jamoasiga qarshi oʻyinda jamoadagi debyut oʻyinini oʻtkazdi. U maydonga ikkinchi boʻlimda tushdi. Portugaliya chempionatida 2007-yildagi oʻyinlarida jami 3 t oʻyinda maydonga tushdi va 2008-yilning yanvar oyida oliy ligada toʻp suruvchi "Nasional" jamoasiga ijaraga berib yuborildi.

2008-yilning iyul oyida gollandiyaning "Feyenord" jamoasiga ijaraga berilganligi haqida xabar berildi^[2]. Taraflar oldindan kelishuvga erishishganiga qaramasdan bu ish amalga oshmay qoldi va Fabio ispaniyaning ikkinchi ligasida qatnashuvchi "Real Saragosa" jamoasiga ijaraga berib yuborildi^[3]. Saragosada u bitta oʻyinda, "Deportivo Alaves" jamoasiga qarshi kechgan oʻyinning 82-daqiqasida maydonga tushdi. Natijada 2009-yilning yanvar oyida Portugaliyaga qaytdi va ijara asosida yarim mavsum "Rio Ave" safida oʻyinlarda ishtirok etdi.

"Real Madrid"

2011-yilning 5-iyulida Real Madrid jamoasi 30 mln. yevro evaziga Fabioni safiga qoʻshdi^[4]. U jamoadagi debyut golini urishi uzoq choʻzildi. 2012-yil 17-dekabrda "Espanyol"ga qarshi kechgan uchrashuvda u oʻzining ilk golini kiritishga muvaffaq boʻldi. Ushbu oʻyinda hisob 2:2 bilan yakunlandi.

Terma jamoadagi faoliyati

2007-yilning yozida 20 yoshgacha Portugaliya terma jamaosi safida yoshlar oʻrtasidagi jahon chempionatida uchta oʻyinda ishtirok etdi. Fabio "Benfika" safida oʻzini yaxshi oʻyinlari bilan koʻrsata boshlaganidan soʻng, uni asosiy Portugaliya terma jamoasi safiga chaqirishni boshlashdi. Terma jamoa bilan u 2010-yilgi Jahon chempionatida ishtirok etib, toʻrtta oʻyinda asosiy tarkibda maydonga tushdi.

Erishgan natijalari

Jamoaviy

Ispaniya chempioni: 2011/12
Ispaniya superkubogi sohibi (1): 2012
Portugaliya chempioni: 2009/10
Portugaliya ligasi kubogi sohibi: 2009/10, 2010/11

Shaxsiy

Ikkinchi Divizionning mavsum kashfiyoti: 2006–07
Portugaliya ligasining yil kashfiyoti: 2009–10
Benfika jamoasining yil kashfiyoti: 2009
Portugaliya ligasi oyning yosh o'yinchisi: Oktabr 2009, Mart 2010, Aprel 2010, Sentabr 2010
UEFA Yevropa turniri ramziy jamoasi: 2012

Manbalar

↑ „Биеннале юниорского футбола“. sports.ru (2007-yil 23-iyul). 2012-yil 27-martda asl nusxadan arxivlangan. Qaraldi: 2012-yil 13-avgust.
↑ „«Фейеноорд» взял в аренду Коэнтрау“. sports.ru (2008-yil 13-iyul). 2012-yil 27-martda asl nusxadan arxivlangan. Qaraldi: 2012-yil 15-avgust.
↑ „Coentrão Joins Zaragoza On Loan“ (deadlink). goal.com (2008-yil 17-iyul). 2008-yil 3-avgustda asl nusxadan arxivlangan. Qaraldi: 2012-yil 15-avgust.(Wayback Machine saytida 2008-08-03 sanasida arxivlangan)
↑ „«Бенфика» продала Куэнтрана в «Реал» за € 30 млн“. championat.com (2011-yil 5-iyul). 2011-yil 8-iyulda asl nusxadan arxivlangan. Qaraldi: 2012-yil 15-avgust.(Wayback Machine saytida 2011-07-08 sanasida arxivlangan)

Havolalar

Real Madridning rasmiy saytidagi sahifasi
Transfermarkt saytidagi sahifasi
zerozero saytidagi ma'lumotlari (Wayback Machine saytida 2011-07-08 sanasida arxivlangan)

[1] „Биеннале юниорского футбола“. sports.ru (2007-yil 23-iyul). 2012-yil 27-martda asl nusxadan arxivlangan. Qaraldi: 2012-yil 13-avgust.

[2] „«Фейеноорд» взял в аренду Коэнтрау“. sports.ru (2008-yil 13-iyul). 2012-yil 27-martda asl nusxadan arxivlangan. Qaraldi: 2012-yil 15-avgust.

[3] „Coentrão Joins Zaragoza On Loan“ (deadlink). goal.com (2008-yil 17-iyul). 2008-yil 3-avgustda asl nusxadan arxivlangan. Qaraldi: 2012-yil 15-avgust.(Wayback Machine saytida 2008-08-03 sanasida arxivlangan)

[4] „«Бенфика» продала Куэнтрана в «Реал» за € 30 млн“. championat.com (2011-yil 5-iyul). 2011-yil 8-iyulda asl nusxadan arxivlangan. Qaraldi: 2012-yil 15-avgust.(Wayback Machine saytida 2011-07-08 sanasida arxivlangan)

[1]

[2]

[3]

[4]