Dungan tili

Dungan tili — dunganlar tili. Sino-tibet tili oilasiga mansub. Bu til vakillari Shinjon viloyati (Xitoy) va Markaziy Osiyoda (asosan Qirgʻizistonda, qisman Qozogʻiston va Oʻzbekistonda) istiqomat qiladi. Dungan tilida taxminan 70 mingdan ortiq kishi soʻzlashadi (1990-yillar oʻrtalari). Dungan tili tarkibida turkiy, arab, fors tillaridan oʻzlashtirilgan soʻzlar koʻp. Yozuvi kirill alifbosi asosida.