Boris Beloshapka

Boris Beloshapka
Shaxsiy maʼlumot
Toʻliq ismi	Boris Ivanovich Beloshapka
Tavallud sanasi	9-fevral 1962-yil (63 yosh)
Tavallud joyi	Kalinovka, Vinnitsa viloyati, Ukraina
Boʻyi	1.84 m (6 ft 1⁄2 in)
Ampluasi	Darvozabon
Professional faoliyati*
Yillar	Jamoa
1981—1984	Dnepr Mogilev
1985	Dinamo Minsk
1986—1991	Tavriya Simferopol
1992—1993	Motor Lublin
1993—1997	Makkabi (Yaffa)
1997	Zirka Kropyvnytskyi
1997	→ Zirka-2
1997	Makkabi (Yaffa)
1998—1999	Zirka Kropyvnytskyi
1998—1999	→ Zirka-2
1999	Tavriya Simferopol
2000—2002	Qizilqum
2003	Ordabasi
2003	Andijon
2004	Qizilqum
Boshqargan klublari
2000	Tavriya Simferopol (murabbiy)
2006—2009	Shaxtyor (Donetsk) (murabbiy)
2010—2011	Mariupol (jamoa boshligʻi)
2011—2012	Mariupol (murabbiy)
2016—2017	TSK Simferopol (murabbiy)
	*Professional klublardagi gollari (ichki chempionat)

Boris Ivanovich Beloshapka (1962-yil 9-fevral, Kalinovka, Vinnitsa viloyati) – sovet va ukrainalik futbolchi, murabbiy va adminstrator. Oʻyindagi vazifasi – darvozabon. SSSR sport ustasi, Ukraina sport ustasi^[1].

Biografiyasi

Boris Beloshapka Kalinovka yoshlar sport maktabida taʼlim olgan. Uning birinchi murabbiyi Aleksandr Brus boʻlgan.

1981-yildan Mogilevning „Dnepr“ klubi safida ikkinchi liga bahslarida ishtirok etadi, shuningdek, futbolchi jamoa bilan 1982-yilgi birinchi liga oʻyinlarini oʻtkazadi va bir mavsum davomida „Dnepr“ jamoasi tarkibida boʻladi.

1985-yilda Beloshapka Oliy liga bahslarida Minskning „Dinamo“ jamoasiga oʻtadi. Futbolchi jamoa safida jami ikkita oʻyin oʻtkazadi: birinchi oʻyinida —21-avgust kuni 23-turning uy uchrashuvida „Chornomorets“ga qarshi oʻyinning (4:1) 72-daqiqasida zaxiradan maydonga tushadi^[2], ikkinchi oʻyinida – 14-sentyabr kuni SSSR kubogining 8-finali 1-tur mehmon uchrashuvida „Fakel“ ga qarshi (3:1) 89-daqiqada maydonga tushiriladi^[3]. Oʻyin davomida futbolchi oʻz darvozasini ishonchli himoya qiladi va raqibning barcha zarbalarini qaytarishga muvaffaq boʻladi.

1986—1991-yillarda Simferopolning „Tavriya“ klubi tarkibida chempionatning jami 221 uchrashuvida 218 ta gol oʻtkazib yuborgan^[4]. 1986—1987-yilgi SSSR kubogining ikkinchi liga baslarida jamoasi bilan yarim finalgacha yetib boradi. 1/4 final doirasidagi „Metallist“ga qarshi kechgan oʻyinda Beloshapka penaltilar seriyasida raqibning 3 ta zarbasini qaytarishga muvaffaq boʻladi.

1992-yilda Beloshapka Lyublinning „Motor“ (Polsha) klubiga yoʻl oladi va jamoa tarkibida bir yil davomida oʻz oʻyinlarini olib boradi. Darvozabon keyingi toʻrt mavsumni Yaffaning „Makkabi“ (Isroil) klubida oʻtkazadi. 1997-yilda Kirovogradning „Zvezda“ jamoasiga koʻchib oʻtib, keyinchalik yana „Makkabi“ga qaytib keladi va jamoa tarkibida 14 ta oʻyinda maydonga tushadi.

Beloshapka 1999—2000-yilgi mavsumgacha „Zvezda“ jamoasida oʻynab, shundan soʻng „Tavriya“ga qaytadi va darvozabonlar uchun murabbiy sifatida ishlay boshlaydi.

Sport faoliyati davomida, shuningdek, 2000—2002 va 2004-yillarda Zarafshonning „Qizilqum“ (O‘zbekiston) va 2003-yilda Andijonning "Andijon" (O‘zbekiston) klublari safida, keyinchalik Chimkentning "Ordabasi" (Qozogʻiston) va 2000-yilda „Kostuin“ klublarida ham toʻp surgan.

Oradan bir muncha vaqt oʻtgach, Beloshapka yana Ukrainaga qaytadi va „Krivbas“ jamoasi bilan ishlay boshlaydi. 2005-yildan buyon esa Donetskning „Shaxtyor“ klubi akademiyasi uchinchi jamoasi tarkibida oʻyinlarga tushadi.

Beloshapka faoliyati davomida yoshlar chempionatining ikki karra gʻolibligini qoʻlga kiritgan.

2010—2012-yillarda „Illichivets“ klubida adminstrator va darvozabonlar murabbiyi boʻlib faoliyat olib borgan.

2016-yil mart oyidan – 2017-yil iyun oyiga qadar „TSK-Tavriya“ jamoasida darvozabonlar murabbiyi, 2017-yil iyulidan esa jamoaning bosh adminstratori vazifalarini bajargan.

Oilasi

Beloshapkaning Artyom ismli bir nafar oʻgʻli boʻlib, u ham futbol oʻyinlarida darvozabon vazifasini bajaradi.

Yutuqlari

1982-yilgi Ikkinchi liga oʻyinlari gʻolibi;
1987-yilgi Ukraina SSR chempionati gʻolibi;
1987-yilgi Ukraina SSR turniri kumush medali sohibi;
2002-yilgi Oʻzbekiston chempionati bronza medali sovrindori^[1].

Manbalar

↑ ^1,0 ^1,1 „Основной состав " Команда — Футбольный клуб «ТСК-Таврия» — официальный сайт“. 2018-yil 28-yanvarda asl nusxadan arxivlangan. Qaraldi: 2018-yil 20-yanvar.
↑ „«Динамо» Минск — «Черноморец» Одесса — 4 : 1 21.08.1985 Чемпионат СССР 1985“. 2019-yil 10-yanvarda asl nusxadan arxivlangan. Qaraldi: 2018-yil 20-yanvar.
↑ „«Факел» Воронеж — «Динамо» Минск — 1 : 3 14.09.1985 Кубок СССР 1985/86“. 2019-yil 10-yanvarda asl nusxadan arxivlangan. Qaraldi: 2018-yil 20-yanvar.
↑ „Белошапка Борис Иванович — Таврия“. 2019-yil 10-yanvarda asl nusxadan arxivlangan. Qaraldi: 2018-yil 20-yanvar.

Havolalar

Boris Beloshapka: „Bizning davrimizda futbolda romantika koʻproq edi“ – Simferopolning „Tavriya“ futbol klubi: rasmiy sayt

[fctsk-1] 1,0 ^1,1 „Основной состав " Команда — Футбольный клуб «ТСК-Таврия» — официальный сайт“. 2018-yil 28-yanvarda asl nusxadan arxivlangan. Qaraldi: 2018-yil 20-yanvar.

[2] „«Динамо» Минск — «Черноморец» Одесса — 4 : 1 21.08.1985 Чемпионат СССР 1985“. 2019-yil 10-yanvarda asl nusxadan arxivlangan. Qaraldi: 2018-yil 20-yanvar.

[3] „«Факел» Воронеж — «Динамо» Минск — 1 : 3 14.09.1985 Кубок СССР 1985/86“. 2019-yil 10-yanvarda asl nusxadan arxivlangan. Qaraldi: 2018-yil 20-yanvar.

[4] „Белошапка Борис Иванович — Таврия“. 2019-yil 10-yanvarda asl nusxadan arxivlangan. Qaraldi: 2018-yil 20-yanvar.

[1]

[2]

[3]

[4]