Bayat Muxtorov

Bayat Muxtorov
Tavalludi	29-mart 1946-yil; Andijon OʻzSSR
Vafoti	11-dekabr 2015-yil ; (69 yoshda); Toshkent Oʻzbekiston
Fuqaroligi	Oʻzbekiston
Kasbi	haykaltarosh, avangard rassom

Bayat Muxtorov — oʻzbek haykaltaroshi va avangard rassom boʻlib, Oʻzbekistonda birinchi boʻlib performans va xeppening usullaridan foydalangan.

Tarjimai hol

1946-yil 29-martda Oʻzbekistonning Andijon shahrida dunyoga keladi, lekin bolaligidanoq oilasi bilan Toshkentga koʻchib keladi. 1979-yilda Ostrovskiy nomidagi Toshkent san’at institutini (hozirgi Mannon Uygʻur nomidagi Oʻzbekiston Davlat san’at instituti) monumental va dekorativ plastika boʻyicha tamomlagan. U 1990-yilda SSSR Rassomlar uyushmasi a’zosi boʻldi. Bayat Muxtorov 1995-yilda Moskvada u IFA ((International Federation of Artists) - YUNESKOning rassomlar va dizaynerlar xalqaro federasiyasiga (sertifikat № 5895) qabul qilindi.

Ijodiy faoliyati

U koʻplab xalqaro va respublika koʻrgazmalarida, haykaltaroshlik simpoziumlarida ishtirok etgan. Bayot Muxtorovning ijod ishlari Oʻzbekiston Davlat san’at muzeyi, shuningdek, Rossiya, AQSH, Gollandiya, Italiya, Shveysariya, Eron va boshqa davlatlardagi galereya va xususiy kolleksiyalarda saqlanadi. 1985-yildan Respublika va xalqaro koʻrgazmalarda ishtirok etib kelmoqda.

Asosiy ko'rgazmalar

“Shakllantirish” performansi shuningdek, installyasiya qilish, haykaltaroshlik namoyishi, “Oriyent” galereyasi, Moskva, 1992-yil;
“Oʻrgimchak yoʻli” performansi, “Varshava” koʻrgazmalar zali, Moskva, 1992-yil;
“Koʻhna ohang” performansi, shuningdek, installyasiya qilish, LBH haykaltaroshlik namoyishi, Sankt-Peterburg, 1994-yil;
“Darvesh va oʻt-oʻlanlar” performansi, “18-qavat” galereyasi, Toshkent, 1996-yil;
Haykaltaroshlik namoyishi, ilk shaxsiy koʻrgazma, Gollandiya, 1996-yil;
“Olov” performansi, shuningdek, installyasiya qilish, “Invariant” galereyasida haykaltaroshlik namoyishi, Toshkent, 1997-yil;
“Ekologiya” performansi, shuningdek, installyasiya qilish, “Turkiston” galereyasida haykaltaroshlik namoyishi, Toshkent, 1997-yil;
“Gʻayriinsoniylik anatomiyasi” performansi, installyasiya qilish, “Turkiston” galereyasida haykaltaroshlik namoyishi, Toshkent, 1997-yil;
Oʻzbekiston Tasviriy san’at galereyasida shaxsiy koʻrgazma; haykaltaroshlik namoyishi, Toshkent-2008-yil;
Oʻzbekiston Tasviriy san’at galereyasida "Muhabbatning noma’lum she’riyati"koʻrgazmasida haykaltaroshlik namoyishi, Toshkent, 2009-yil;
Parizod yulduz turkumi" performansi, shuningdek, installyasiya qilish, haykaltaroshlik namoyishi, “Parizod yulduz turkumi” Markaziy koʻrgazmalar zalida shaxsiy koʻrgazmasi, Toshkent, 2011-yil;
"Muzlik" installyasiya-performansi, San’at muzeyi koʻrgazmasi, Toshkent, 2013-yil.

Havolalar