Axmetjon Mamatov

Axmetjon Mamatov
Tavalludi	1962-yil; Paxtaorol tumani, Chimkent viloyati, Qozogʻiston SSR
Fuqaroligi	Oʻzbekiston
Ish joylari	Toshkent Moliya instituti
Taʼlimi	Toshkent davlat universiteti
Ilmiy darajasi	iqtisod fanlari doktori
Ilmiy unvoni	professor

Axmetjon Atajanovich Mamatov (1962-yil, Paxtaorol tumani, Chimkent viloyati, Qozogʻiston SSR) — oʻzbekistonlik olim, iqtisod fanlari doktori, professor.

Biografiyasi

Axmetjon Mamatov 1962-yilda Chimkent viloyatining Paxtaorol tumani Sverdlov qishlogʻida tugʻilgan. 1986-yilda Toshkent davlat universitetini iqtisodchi, siyosiy iqtisod fani oʻqituvchisi ixtisosligi boʻyicha tamomlagan^[1]. Oʻzining mehnat faoliyatini 1986-yildan Sirdaryo davlat pedagogika instituti „Siyosiy iqtisod“ kafedrasi laboranti lavozimidan boshlab, 1987—1988-yillarda kafedra oʻqituvchisi, 1988—1991-yillarda Toshkent davlat universiteti iqtisodiyot fakulteti aspiranti, 1992—1995-yillarda Guliston davlat universiteti „Iqtisodiy nazariya“ kafedrasi katta oʻqituvchisi, 1995—1998-yillarda Toshkent davlat universiteti iqtisodiyot fakulteti doktoranti, 1999-yildan Guliston davlat universiteti „Menejment“ kafedrasi mudiri, 2000-yildan iqtisodiyot fakulteti dekani lavozimida ishlagan. 2000—2007-yillar va 2010-2017-yillarda Guliston davlat universiteti iqtisodiyot fakulteti dekani lavozimida ishlagan. 2017-yildan Toshkent Moliya instituti „Iqtisodiyot“ kafedrasi professori lavozimida ishlab kelmoqda^[1].

Oilasi

Oilali. 4 nafar farzandi bor.

Ilmiy faoliyati

1992-yilda „Valovoy doxod predpriyatiy i osobennosti vzaimootnosheniy predpriyatiy s obshestvom“ mavzusida nomzodlik ishini himoya qildi. 2003-yilda Oʻzbekiston Respublikasi Prezidenti huzuridagi Davlat va jamiyat qurilishi akademiyasida „Shakllanayotgan bozor munosabatlari tizimida yalpi ichki mahsulot“ mavzusida doktorlik dissertatsiyasini himoya qiladi^[1]. 2017-yilda professor ilmiy unvoni berilgan. 6 ta monografiya, 8 ta oʻquv qoʻllanma, 2 ta darslik, 8 ta risola, 18 ta oʻquv-uslubiy majmua, 250 dan ortiq ilmiy maqolalar muallifi^[1].

Manbalar

↑ ^1,0 ^1,1 ^1,2 ^1,3 Oʻzbekistonning taniqli olimlari ensiklopediyasi, 2-tom (oʻzbekcha), Toshkent: Science and Innovation, 2023 — 383-bet.

Havolalar

Axmetjon Mamatov Google Scholar (Wayback Machine saytida 2023-08-22 sanasida arxivlangan)

Bu maqolada boshqa til boʻlimlariga ishorat yoʻq.
Siz ularni topib va ushbu maqolaga qoʻshib, loyihaga yordam berishingiz mumkin.

[:0-1] 1,0 ^1,1 ^1,2 ^1,3 Oʻzbekistonning taniqli olimlari ensiklopediyasi, 2-tom (oʻzbekcha), Toshkent: Science and Innovation, 2023 — 383-bet.

[1]