Aino togʻi

Aino togʻi
	; Aino togʻining umumiy koʻrinishi
Joylashuvi	Chūbu viloyati, Honshu, Yaponiya; 35°38′46″N 138°13′42″E / 35.64611°N 138.22833°E
	Yaponiya xaritasi

Aino togʻi (yaponcha: 間ノ岳 Aino-dake^?), yoki Ainodake, Akaishi togʻ tizmasidagi − Shimoliy Alplardagi eng baland choʻqqilardan biri hisoblanadi, u Yaponiyaning Minami Alp tog'lari milliy bog'i tarkibiga kiradi^[1]. Aino togʻining balandligi 3,189 m (10,463 ft) boʻlib^[2], u balandligi boʻyicha Yaponiyada toʻrtinchi oʻrinda va Akaishi togʻ tizmasida ikkinchi oʻrinda turadi.

Uning choʻqqisi Shizuoka prefekturasidagi Aoi-ku hamda Shizuoka va Yamanashi prefekturasi hududidagi Minami-Alp togʻlari chegarasida joylashgan. Aino togʻi Yaponiyaning 100 ta mashhur togʻlaridan biri hisoblanadi.

Manzil

Akaishi togʻlari ichida Aino togʻi tizmaning eng baland choʻqqisi boʻlmish Kita togʻidan taxminan 3 km (2 mi) uzoqlikda joylashgan. Nōtori tog'i (yaponcha: 農鳥岳 Nōtori-dake^?) bilan birgalikda mazkur uchta togʻni Shiranesanzan (yaponcha: 白峰三山 Shiranesanzan^?) deb ham atash mumkin.

Choʻqqining sharqida Hosozava Kar (yaponcha: 細沢カール hosozawa-karu^?) togʻi joylashgan.

Geografiya

Aino togʻi, Shiranesanzan hududi kabi, alp togʻlari oʻsimliklariga boy. Hudud asosan qoyalardan iborat boʻlib, u yerda bir nechta oʻsimlik turlarigina omon qolishi mumkin. Choʻqqi atrofidagi koʻchkilar chiziqli boʻshliqlarning oʻsishiga olib kelganligi taxmin qilingan. Bunday koʻchkilarni hisobga olganda, Aino togʻi oʻtmishda hozirgi balandligidan oʻnlab metr balandroq boʻlgan boʻlishi mumkinligi taxmin qilinadi. Bu oxirgi muzlik davrida Yaponiyaning eng baland togʻi boʻlgan boʻlishi mumkin. Oʻsha paytda Fudzi togʻi hozirgi balandligiga yetmagan edi va balandligi boʻyicha ikkinchi va uchinchi oʻrinda turuvchi togʻlar (Kita togʻi va Hotaka togʻi) Ainoning hozirgi balandligidan mos ravishda atigi 4 va 1 metrga yuqoriroq hisoblaniladi.

Aino togʻi Kita togʻi bilan teng balandlikka ega boʻlmasa ham, shakli va oʻlchami boʻyicha u bir xil darajada katta massaga ega.

Togʻ yoʻllari

Aino togʻi Kita togʻi va Notori togʻi oʻrtasidagi oʻtish yoʻlida joylashgan. Choʻqqidan gʻarbdagi Mibu tog'i (yaponcha: 三峰岳 Mibu-dake^?) tomon burilib, u yerdan Senshio tizmasi (yaponcha: 仙塩尾根 senshio-one^?) borish mumkin.

Eng yaqin alp togʻlari kulbasi Nōtori kulbasi (yaponcha: 農鳥小屋 nōtori-koya^?) boʻlib, u Nishinōtori tog'i (yaponcha: 西農鳥岳 Nishinōtori-dake^?) ostida janubiyd egar ustida joylashgan. Yana bir Kitadake tog' kotteji (yaponcha: 北岳山荘 kitadakesansou^?) shimolda Aino togʻi va Kita togʻi orasidagi egarda joylashgan.