Vikipediya:Tasdiqlash imkoniyatining mavjudligi

Oʻzbekcha Vikipediyada tasdiqlash imkoniyating mavjudligi ensiklopediyadan foydalanadigan boshqalar keltirilgan maʼlumot ishonchli manbadan olinganligini tekshira olishi mumkinligini anglatadi. Vikipediyada mustaqil tadqiqot chop etilmaydi. Qomus kontentni foydalanuvchilarning qarashlari yoki tajribalariga emas, balki oldindan nashr etilgan maʼlumotlarga tayanadi. Agar biror narsa haqiqat ekanligiga ishonchingiz komil boʻlsa ham, uni ensiklopediyaga qoʻshishdan oldin uni tekshirish mumkinligiga amin boʻlishingiz kerak. Ishonchli manbalarda turlicha qarashlar keltirilgan boʻlsa, betaraf nuqtai nazarni saqlang va turli manbalarda aytilganlarni taqdim eting. Bunda har bir qarash mutanosib ravishda yoritilishi kerak.

Vikipediyaning asosiy nomfazosadagi barcha materiallar, jumladan, maqolalar, roʻyxatlar va fayllar izohlaridagi hamma narsani tasdiqlash mumkin boʻlishi kerak. Barcha iqtiboslar va tekshirilishi mumkinligiga eʼtiroz bildirilgan yoki eʼtiroz bildirilishi mumkin boʻlgan har qanday materialda uni toʻgʻridan-toʻgʻri tasdiqlaydigan ishonchli manbaga ishorat boʻlishi kerak. Manbaga muhtoj boʻlgan, ammo mavjud boʻlmagan har qanday materialni oʻchirib tashlash mumkin. Iltimos, tirik odamlar haqida manbasi yoʻq yoki yetarlicha manba keltirilmagan barcha bahsli materialni darhol oʻchiring.

Iqtiboslarni qanday kiritish haqida oʻrganib olish uchun manbalarga ishoratlar sahifasi bilan tanishib chiqing. Tasdiqlash imkoniyating mavjudligi, mustaqil tadqiqotlarning taqiqlanganligi hamda betaraf nuqtai nazar Vikipediyaning kontent boʻyicha asosiy tamoyillari hisoblanadi. Ular hamkorlikda kontentni belgilash uchun tatbiq qilinadi, shuning uchun foydalanuvchilar bu uchala prinsipni tushunishlari kerak. Shuningdek, maqolalar mualliflik huquqlari siyosatiga ham mos kelishi kerak.